Federación Galega de Baloncesto

ESCOLA GALEGA DE ADESTRADORES

A Federación Galega de Baloncesto, a través da súa Escola Galega de Adestradores, convoca o curso de adestrador de Nivel 2, durante o mes de xullo de 2009, que se celebrará nunha sede única a nivel galego. Este curso ten carácter FEDERATIVO, aínda que se levarán a cabo os trámites pertinentes para obter a súa aprobación administrativa e optar ás convalidacións e homologacións das Titulacións Académicas como Ciclo Final de Grao Medio.

Lugar
Santiago de Compostela.

Datas e horarios
Fase presencial: 10 días seguidos completos, dentro da primeira quincena de xullo. Datas en función da dispoñibilidade de campos, aulas e aloxamentos. De 9.30h a 14.00h e de 16.00h a 20.00h.
Fase non presencial: comezará o 1 de abril, continuará coa fase presencial e posteriormente realizarase o bloque de prácticas durante a tempada 2009/10.

Preinscrición
en calquera Delegación Zonal antes do 1 de marzo de 2009.

Requisitos
Ter máis de 18 anos e estar en posesión do Título de Nivel 1

Cota
400 euros. Abono por transferencia bancaria á conta 2091-0392-90-3040002932.

Observacións
Texto completo da convocatoria e folla de inscrición dispoñibles en documento adxunto.